>

.

.

.

.

<

دائما أخوض محادثات في نفس الموضوع ودائما احصل على نفس الجواب , وأنا في مراهقتي جاني شعور طبيعي مثل أي بنت  أبغى ارتبط ,أتزوج, أكون أم , فقررت أقرا كتاب اسمه “النساء من الزهرة والرجال من المريخ” علشان استعد لعلاقاتي افهم الرجال إلي حرتبط فيه افهم سكان المريخ, استوعبت حاليا واليوم خاصة انوه أساسا كلنا من الأرض لا زهرة ولا مريخ ولا عطارد وأننا كلنا بــ نفهم احتياجات الشخص الثاني نفهم ونعرف كل الأشياء إلي تزعجه ونعملها الأشياء إلي يحبها ونعملها برضوه نعمل كل التناقضات وإحنا فاهمين بعض كويس .

مثال: لما تكون البنت متضايقة من الشخص إلي تحبه وهو عارف إنها زعلانه وعارف ليه زعلانة ويسألها أشبك وتقول ولا شي يروح يقولها براحتك هو فاهم وعارف انوه دي مو راحتها بس ليه عمل كذا أنا ما اعرف ولا هو يعرف , معقولة نكون مغناطيس ..؟!

مثال ثاني عكسي: يكون راجع من الدوام وتعبان وانكرف ويستنى منها كلمه حلوة تجي تطلب منه يخرجها مثلا أو يجلس معاها شوي والخ ويرفض ,من الطبيعي يرفض المشكلة انوه أحنا سكان كوكب الزهرة عارفين انوه حيرفض وعارفين انوه دا يخلق مشكله وبرضوه نعمله

الكيمياء الغريبة إلي بيننا احنا مستوعبينها كويس وأحيانا نستعملها كويس وأحيانا العكس مش ندمانه انوه قرأت الكتاب بس ما استفدت شي أنا عارفة  كيف ممكن أوصل لشريك حياتي ولا راح اقدر أوصل لانوه من المريخ وانا من الزهرة .